I jejely dey my own the other day dey read something about Celine-Odion (if you know, you know), I con jam her link for her profile for Instagram, tab.bio/@celinedion. First tin wey sweet me na the aesthetics of the app tap.bio and as e simple to understand wetin Celine-Odion want make I see for there.
Wetin Be Tap.Bio
How E Take Be
You know sey you no fit click picture on top Instagram, and for the profile part na only one website link you fit put there. Tap.bio go help you solve that problem with wetin them dey call cards.
Person no need comot for Instagram to check your links them. You fit get one card wey go show all your Instagram post wey get link for inside the post, another card fit be your YouTube link where people go fit subscribe straight, another one fit be your Twitter post them, so person no need dey go twitter dey see wetin you post, another still fit be just your information and the best tin be sey all of dem carry picture. You fit set your picture there so e no go dey boring.
True true, other apps dey wey dey do that kind package like linktree, linkinbio and so on but this one different. Whether your account na Business o, abi na personal account abi Creator account, e no matter you still fit use tap.bio for your profile and na free but e get paid version if you won enjoy all the package and e no even cost all plus you no need install anytin put for phone.
If e dey hard you to use, I fit help you. Just send me message or make you write wetin dey hard you for down.